ಶಿವಮ್ಮಳ ಬಾಳಿಗೆ ಹೊಸ ಜೀವ ತಂದ ಮೈಸೂರಿನ ಸುಜೀವ್!

1 min read

3 years ago newsdesk

ಮೈಸೂರು : ರಾಜ್ಯದಲ್ಲಿ ಸುರಿಯುತ್ತಿರುವ ಧಾರಕಾರ ಮಳೆಗೆ ಜನಜೀವನ ಅಸ್ತವ್ಯಸ್ತವಾಗಿದೆ. ಹಲವರ ಮನೆಗಳು ಕುಸಿದು ಬೀಳುತ್ತಿದ್ರೆ ಮತ್ತೇ ಕೆಲ ಕಡೆಗಳಲ್ಲಿ ಗುಡ್ಡ ಕುಸಿಯುತ್ತಿದೆ. ಈ ಮಳೆಯ ಅವಾಂತರಕ್ಕೆ ಮೈಸೂರಿನ ಇಟ್ಟಿಗೆಗೂಡಿನ ಶಿವಮ್ಮ ಎಂಬುವವರ ಮನೆ ಕುಸಿದು ಬಿದ್ದಿದೆ.

ಕಡುಬಡವರಾದ ಶಿವಮ್ಮ ಇದ್ದ ಒಂದು ಸಣ್ಣ ಮನೆಯಲ್ಲಿ ಜೀವನ ಸಾಗಿಸುತ್ತಿದ್ರು. ಏಕಾಏಕಿ ಮನೆ ಕುಸಿದು ಬಿದ್ದ ಕಾರಣ ಆತಂಕಕ್ಕೆ ಒಳಗಾಗಿದ್ದಾರೆ. ಈ ವೇಳೆ ಶಿವಮ್ಮರಿಗೆ ನೆರವಾಗಿದ್ದು ಸುಜೀವ್ ಸಂಸ್ಥೆ.

ಹೊಸ ಜೀವ ತಂದ ಸುಜೀವ’

ಬಡ ಶಿವಮ್ಮಳ ಪಾಲಿಗೆ ಸಂಜೀವಿನಿಯಾಗಿ ಸುಜೀವ್ ಸಂಸ್ಥೆ ಮುಂದೆ ಬಂದಿದೆ. ಶಿವಮ್ಮಳ ಕುಸಿದು ಬಿದ್ದ ಮನೆಯನ್ನ ಮತ್ತೆ ಹೊಸದಾಗಿ ಕಟ್ಟಿಕೊಡಲು ಸಿದ್ದತೆ ಮಾಡಿಕೊಂಡಿದೆ. ನಾಳೆ ಅದಕ್ಕಾಗಿ ಗುದ್ದಲಿ ಪೂಜೆ ಮಾಡಲಿದ್ದು ಶಿವಮ್ಮಳ ಕಣ್ಣಲ್ಲಿ ಹೊಸ ಆಶಾಕಿರಣ ಮೂಡಿದೆ.

ಈಗಾಗಲೇ ಶಿವಮ್ಮಳ ಜಾಗವನ್ನು ಮಟ್ಟ ಮಾಡಿ ನಾಳೆಯೇ ಗುದ್ದಲಿ ಪೂಜೆ ನೆರವೇರಿಸಿ ಕಾಮಗಾರಿ ಶುರುವಾಗಲಿದೆ. ಇನ್ನು ವಿಶೇಷ ಅಂದ್ರೆ ಸುಜೀವ್ ಸಂಸ್ಥೆಯ ಮುಖ್ಯಸ್ಥ ರಾಜಾರಾಂ ಅವರಿಗೆ ಎಸ್‌ಜಿ‌ಆರ್ ಗ್ರೂಪ್ಸ್ ಕೂಡ ಜೊತೆಯಾಗಿದ್ದು ಮನೆಯನ್ನು ಕಟ್ಟಿಕೊಡಲು ಮುಂದಾಗಿದೆ.