ಗಾಯನ ನಿಲ್ಲಿಸಿದ ಲತಾ ಮಂಗೇಶ್ಕರ್ ಅವರಿಗೆ ಪಾತಿ ಫೌಂಡೇಷನ್ ನಿಂದ ಶ್ರದ್ಧಾಂಜಲಿ ಸಲ್ಲಿಕೆ
1 min read
ಮೈಸೂರು,ಫೆ.6-ಇಂದು ಇಹಲೋಕ ತ್ಯಜಿಸಿದ ಭಾರತದ ಗಾನ ಕೋಗಿಲೆ ಲತಾ ಮಂಗೇಶ್ಕರ್ ಅವರಿಗೆ ಪಾತಿ ಫೌಂಡೇಷನ್ ವತಿಯಿಂದ ಸಂತಾಪ ಸೂಚಿಸಲಾಯಿತು.
ನಗರದ ಅಗ್ರಹಾರ ವೃತ್ತದಲ್ಲಿ ಇಂದು ಲತಾ ಮಂಗೇಶ್ಕರ್ ಅವರ ಭಾವಚಿತ್ರವನ್ನು ಹಿಡಿದು ಮೌನಾಚರಣೆ ಮಾಡುವ ಮೂಲಕ ಸಂತಾಪ ಸೂಚಿಸಿದರು.
ಈ ಸಂದರ್ಭದಲ್ಲಿ ಮಾತನಾಡಿದ ಮಾಜಿ ನಗರ ಪಾಲಿಕೆ ಸದಸ್ಯ ಎಂ.ಡಿ. ಪಾರ್ಥಸಾರಥಿ, ಮೇರು ಗಾಯಕಿ ನಮ್ಮೆನ್ನೆಲ್ಲ ಅಗಲಿ ಗಾಯನ ನಿಲ್ಲಿಸಿರುವುದು ನೋವಿನ ಸಂಗತಿ. ಅವರು ತಮ್ಮ ಅದ್ಭುತ ಗಾಯನದ ಮೂಲಕ ಸಂಗೀತ ಲೋಕಕ್ಕೆ ನೀಡಿದ ಕೊಡುಗೆ ಅಪಾರ ಎಂದು ಅವರನ್ನು ನೆನೆದರು.
ಈ ಸಂದರ್ಭದಲ್ಲಿ ಮುಡಾ ಸದಸ್ಯರಾದ ಲಕ್ಷ್ಮೀದೇವಿ, ಹರೀಶ್ ನಾಯ್ಡು, ಕುಮಾರ್ ಆರಾಧ್ಯ, ಆನಂದ್, ಸಂತೋಷ್ ಕಿರುಗಾವಲು, ಮಹದೇವ್, ಸುಚಿಂದ್ರ, ಧನರಾಜ್, ಪ್ರಭು, ದೀಪಕ್, ಸಂತೋಷ್, ಕೃಷ್ಣಮೂರ್ತಿ ಹಾಗೂ ಇನ್ನಿತರರು ಇದ್ದರು.
About Author
