ಅಪ್ಪು ನಟನೆಯ ಗತ್ತು ದಕ್ಷಿಣ ಕೊರಿಯಾಗು ಗೊತ್ತು!
1 min read
°ಪುನೀತ್ ಗತ್ತು ಕೋರಿಯಾಗು ಗೊತ್ತು!
°ಪುನೀತ್ ಸುದ್ದಿ ಪ್ರಸಾರ ಆಯ್ತು ದಕ್ಷಿಣ ಕೋರಿಯಾದ ನ್ಯೂಸ್ ಚಾನೆಲ್‌ನಲ್ಲಿ.!
°ಕನ್ನಡದ ಕಂದನ ಅಗಲಿಕೆಗೆ ಕಂಬನಿ ಮಿಡಿದ ದಕ್ಷಿಣ ಕೊರಿಯಾ ನ್ಯೂಸ್ ಚಾನೆಲ್!
ದಕ್ಷಿಣ ಕೊರಿಯಾದ ಯೊನ್ಹಾಪ್ ನ್ಯೂಸ್ ಹೆಸರಿನ ಚಾನೆಲ್ ಪುನೀತ್ ರಾಜ್‌ಕುಮಾರ್ ನಿಧನದ ಸುದ್ದಿಯನ್ನು ಪ್ರಕಟಿಸಿದೆ. ಪುನೀತ್ ರಾಜ್‌ಕುಮಾರ್, ನರೇಂದ್ರ ಮೋದಿ ಅವರೊಟ್ಟಿಗೆ ನಿಂತಿರುವ ಚಿತ್ರವನ್ನು ವಿಡಿಯೋದಲ್ಲಿ ಪ್ರಕಟಿಸಿರುವ ಸುದ್ದಿ ವಾಹಿನಿ, ಪುನೀತ್ ಅಂತಿಮ ದರ್ಶನ ಪಡೆಯಲು ಸೇರಿದ್ದ ಜನಸಮೂಹದ ಚಿತ್ರವನ್ನು ಪ್ರಕಟಿಸಿದೆ.
ಅಭಿಮಾನಿಗಳು ಕಂಬನಿ ಮಿಡಿಯುತ್ತಿರುವುದಾಗಿ ಸುದ್ದಿ ವಾಹಿನಿ ಹೇಳಿದೆ. ಸುದ್ದಿಯ ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಬಿಬಿಸಿ ನ್ಯೂಸ್ ಮೊನ್ನೆಯೇ ಪುನೀತ್ ನಿಧನದ ಸುದ್ದಿಯನ್ನು ಪ್ರಕಟಿಸಿತ್ತು, ಬಿಬಿಸಿ ವರ್ಲ್ಡ್‌ ಚಾನೆಲ್‌ನ ಲಂಡನ್ ವರದಿಗಾರ್ತಿ, ಸಿನಿಮಾ ವಿಮರ್ಶಕಿ ಶಾಂತಿ ಓಂಕಾರ್ ಬಿಬಿಸಿ ವರ್ಲ್ಡ್‌ ಜೊತೆ ಮಾತನಾಡಿ, ”ನಾನು ಅವರ ಅಣ್ಣ ಶಿವರಾಜ್ ಕುಮಾರ್ ಅವರನ್ನು ಭೇಟಿಯಾಗಿದ್ದೆ ಸ್ವತಃ ಅವರೂ ಸಹ ದೊಡ್ಡ ಸ್ಟಾರ್.
ನಾನು ಸೇರಿದಂತೆ ಎಲ್ಲರೂ ಆಘಾತಕ್ಕೆ ಒಳಗಾಗಿದ್ದೇವೆ. ನಿನ್ನೆಯಷ್ಟೆ ಪುನೀತ್ ವೇದಿಕೆಯ ಮೇಲೆ ಅವರ ಅಣ್ಣನೊಂದಿಗೆ ಮತ್ತು ನಟ ಯಶ್‌ ಜೊತೆ ಸೇರಿ ಡ್ಯಾನ್ಸ್ ಮಾಡುತ್ತಿದ್ದರು. ಆದರೆ ಇಂದು ಬೆಳಿಗ್ಗೆ ಪುನೀತ್ ಸಾವಿನ ಸುದ್ದಿ ಅಪ್ಪಳಿಸಿರುವುದು ತೀವ್ರ ಆಘಾತಕ್ಕೆ ಕಾರಣವಾಗಿದೆ” ಎನ್ನುತ್ತಾರೆ.
About Author
