ಮೈಸೂರಲ್ಲಿ ‘ಓಲ್ಡ್ ಮಾಂಕ್’ 3ನೇ ಸಾಂಗ್ ರಿಲೀಸ್‌ಗೆ ಸಿದ್ದತೆ!
1 min read
ಮೈಸೂರು – ಸಿನಿಮಾ : ಶ್ರೀನಿವಾಸ ಕಲ್ಯಾಣ ಮೂಲಕ ಮನೆ ಮಾತಾಗಿದ್ದ ಶ್ರೀನಿ ಮತ್ತೇ ಪ್ರೇಕ್ಷಕರನ್ನ ರಂಜಿಸಲು ಮತ್ತೆ ಸಜ್ಜಾಗಿದ್ದು ಓಲ್ಡ್ ಮಾಂಕ್ ಅವತಾರ ಎತ್ತಿದ್ದಾರೆ. ಇದೇ ಫೆ.25ಕ್ಕೆ ಚಿತ್ರ ಬಿಡುಗಡೆಯಾಗಲಿದ್ದು, ಈಗಾಗಲೇ ಚಿತ್ರದ ಟ್ರೈಲರ್ ಸಖತ್ ಹಿಟ್ ಆಗಿದ್ದು ಚಿತ್ರದ ಹಾಡುಗಳು ಕೂಡ ಸಖತ್ ಆಗಿ ಮೂಡಿ ಬಂದಿದೆ. ಈ ನಡುವೆ ಚಿತ್ರದ ಮತ್ತೊಂದು ಹಾಡು ಮೈಸೂರಿನಲ್ಲಿ ರಿಲೀಸ್ ಆಗುತ್ತಿದ್ದು ಸಂಸದ ಪ್ರತಾಪ್ ಸಿಂಹ ಚಿತ್ರದ ಹಾಡನ್ನು ಬಿಡುಗಡೆ ಮಾಡುತ್ತಿದ್ದಾರೆ. ಇದೇ ಭಾನುವಾರ ಸಾಂಗ್ ರಿಲೀಸ್ ಆಗ್ತಿದ್ದು, ಫೆ.25ಕ್ಕೆ ಚಿತ್ರ ಬಿಡುಗಡೆ ಆಗಲಿದೆ.
ಚಿತ್ರಕ್ಕೆ ಕ್ಯೂಟ್ ಗರ್ಲ್ ಅದಿತಿ ಪ್ರಭುದೇವ ಕಳೆ!
ಇನ್ನು ಈಗಾಗಲೇ ಕರ್ನಾಟಕದ ಯುವಕರ ಮನ ಕದ್ದಿರುವ ಚೆಂದುಳ್ಳಿ ಚೆಲುವೆ ಅದಿತಿ ಪ್ರಭುದೇವ ಓಲ್ಡ್ ಮಾಂಕ್ ಚಿತ್ರದ ನಾಯಕಿಯಾಗಿದ್ದು ಚಿತ್ರಕ್ಕೆ ಮತ್ತಷ್ಟು ಮೆರಗು ನೀಡಿದೆ. ಈಗಾಗಲೇ ಚಿತ್ರದ ಟ್ರೈಲರ್ ಎಲ್ಲರನ್ನು ರಂಜಿಸಿದ್ದು ಚಿತ್ರ ಬಿಡುಗಡೆಗೆ ಕಾದು ಕುಳಿತಿದ್ದಾರೆ.
ಮತ್ತೊಂದು ಹಿಟ್ ಚಿತ್ರದ ನಿರೀಕ್ಷೆಯಲ್ಲಿ ಶ್ರೀನಿ!
ಈಗಾಗಲೇ ಎರಡು ಸೂಪರ್ ಹಿಟ್ ಚಿತ್ರ ನೀಡಿರುವ ಶ್ರೀನಿ ಮತ್ತೊಂದು ಹಿಟ್ ಚಿತ್ರದ ನಿರೀಕ್ಷೆಯಲ್ಲಿದ್ದಾರೆ. ಶ್ರೀನಿ ಹಾಗೂ ಮೈಸೂರಿಗು ಅವಿನಾಭಾವ ಸಂಬಂಧ ಇದ್ದು, ಶ್ರೀನಿವಾಸ ಕಲ್ಯಾಣ ಚಿತ್ರವು ಕೂಡ ಮೈಸೂರಲ್ಲಿ ಯಶಸ್ವಿ ಕಂಡಿತ್ತು. ಇದೀಗಾ ಮತ್ತೇ ಓಲ್ಡ್ ಮಾಂಕ್ ಸಾಂಗ್ ರಿಲೀಸ್ ಮೂಲಕ ಮೈಸೂರಿಗೆ ಆಗಮಿಸುತ್ತಿದ್ದು ಓಲ್ಡ್ ಮಂಕ್ ಕೂಡ ಫ್ಯಾಮಿಲಿ ಎಂಟರ್ಟೈನ್ಮೆಂಟ್ ಹಿಟ್ ಆಗೋದ್ರಲ್ಲಿ ಡೌಟೆ ಇಲ್ಲ.
About Author
