ಮೈಸೂರಿನ ಪ್ರಸಿದ್ದ ಮೂಗೂರು ಜಾತ್ರೆಗೆ ಬ್ರೇಕ್!
1 min read
ಮೈಸೂರಿನಲ್ಲಿ ದಿನೆ‌ದಿನೆ ಕೋವಿಡ್ ಹೆಚ್ಚಾಗುತ್ತಿರುವ ಕಾರಣ ಈಗಾಗಲೇ ಮೈಸೂರು ನಗರ ಮತ್ತು ಮೈಸೂರು ತಾಲೂಕಿನಲ್ಲಿ ಶಾಲೆಗಳಿಗೆ ರಜೆ ನೀಡಿ ತರಗತಿ ನಡೆಸದಂತೆ ಜಿಲ್ಲಾಧಿಕಾರಿ ಡಾ.ಬಗಾದಿ ಗೌತಮ್ ಆದೇಶ ಮಾಡಿದ್ದಾರೆ. ಈ ನಡುವೆ ತಾಲೂಕಿನಲ್ಲು ಯಾವುದೇ ಕಾರ್ಯಕ್ರಮ, ಜಾತ್ರೆ, ಸಮಾರಂಭ ಮಾಡದಂತೆ ಸೂಚನೆ ನೀಡಲಾಗಿದೆ.
ಈ ಹಿನ್ನಲೆಯಲ್ಲಿ ಮೈಸೂರು ಜಿಲ್ಲೆಯ ಟಿ.ನರಸೀಪುರ ತಾಲ್ಲೂಕಿನ ಪ್ರಸಿದ್ಧ ಮೂಗೂರು ತ್ರಿಪುರ ಸುಂದರಿ ದೇಗುಲದ ಜಾತ್ರೆಗೆ ಸಮಸ್ಯೆ ಎದುರಾಗಿದ್ದು, ಜಾತ್ರೆ ನಡೆಸದಂತೆ ಜಾತ್ರೆಯನ್ನ ರದ್ದು ಮಾಡಿ ಆದೇಶ ಹೊರಡಿಸಲಾಗಿದೆ.
ಟಿ.ನರಸೀಪುರ ತಾಲೂಕಿನ ತಹಸೀಲ್ದಾರ್ ಅವರು ಈ ಆದೇಶ ಮಾಡಿದ್ದು ಮೂಗೂರು ಗ್ರಾಮಸ್ಥರನ್ನ ಹೊರತುಪಡಿಸಿ ಹೊರಗಿನಿಂದ ಯಾರು ಕೂಡ ಗ್ರಾಮಕ್ಕೆ ಬರೋದನ್ನ ನಿರ್ಬಂಧ ವಿಧಿಸಲಾಗಿದೆ. ಅಲ್ಲದೆ ಜಾತ್ರೆ ನಡೆಯಬೇಕಿದ್ದ ದಿನವು ಕೂಡ ಅನಗತ್ಯವಾಗಿ ಸಂಚಾರ ಮಾಡದಂತೆ ಸೂಚಿಸಲಾಗಿದೆ.
About Author
