ವಾರ್ಡ್ ನಂ. 62 ರಲ್ಲಿ ವಿವಿಧ ಅಭಿವೃದ್ಧಿ ಕಾಮಗಾರಿಗಳಿಗೆ ಚಾಲನೆ ನೀಡಿದ ಶಾಸಕ ಎಸ್.ಎ.ರಾಮದಾಸ್
1 min read
ಮೈಸೂರು,ಫೆ.5-ಮೈಸೂರು ಮಹಾನಗರ ಪಾಲಿಕೆ ವಾರ್ಡ್ ನಂ.62 ವ್ಯಾಪ್ತಿಯಲ್ಲಿ ವಿವಿಧ ಅಭಿವೃದ್ಧಿ ಕಾಮಗಾರಿಗಳಿಗೆ ಶಾಸಕ ಎಸ್.ಎ.ರಾಮದಾಸ್ ಚಾಲನೆ ನೀಡಿದರು.
ನಾಚನಹಳ್ಳಿ ಪಾಳ್ಯ ಸ್ಲಮ್ ಭಾಗದಲ್ಲಿ ಕರ್ನಾಟಕ ಕೊಳಗೇರಿ ಅಭಿವೃದ್ಧಿ ಮಂಡಳಿ ವತಿಯಿಂದ ಪ್ರಧಾನಮಂತ್ರಿಗಳ ವಸತಿ ಯೋಜನೆಯಡಿ ಒಂದು ಮನೆಗೆ 4.80 ಲಕ್ಷ ರೂ. ಗಳ ಅನುದಾನದ ಮನೆ ನಿರ್ಮಾಣ ಕಾಮಗಾರಿಗೆ ಚಾಲನೆ ನೀಡಿದರು.
ಧರ್ಮಸಿಂಗ್ ಕಾಲೋನಿ ” ಬಿ ” ಬ್ಲಾಕ್ ಕೊಳಚೆ ಪ್ರದೇಶದಲ್ಲಿ ಮೂಲಭೂತ ಸೌಲಭ್ಯಗಳಾದ ಸಿ.ಸಿ.ರಸ್ತೆ ಮತ್ತು ಆರ್.ಸಿ.ಸಿ. ಚರಂಡಿಯನ್ನು 20 ಲಕ್ಷ ರೂ. ವೆಚ್ಚದಲ್ಲಿ ನಿರ್ಮಾಣ ಕಾಮಗಾರಿಗೆ ಭೂಮಿ ಪೂಜೆ ನೆರವೇರಿಸಿದರು.
ಈ ಸಂದರ್ಭದಲ್ಲಿ ನಗರ ಪಾಲಿಕೆ ಸದಸ್ಯರಾದ ಶಾಂತಮ್ಮ ವಡಿವೇಲು , ಕೆ.ಆರ್.ಕ್ಷೇತ್ರದ ಭಾಜಪಾ ಅಧ್ಯಕ್ಷರಾದ ಎಂ.ವಡಿವೇಲು, ಬೂತ್ ಅಧ್ಯಕ್ಷರುಗಳಾದ ಫೈರೋಜ್, ರುದ್ರೇಶ್, ಶಿವಪ್ರಸಾದ್, ಶಶಿಕಾಂತ್, ಜಿಯಾವುಲ್ಲಾ, ಶೋಭಾ, ರುದ್ರಣ್ಣ, ಅಮ್ಮಾಜಿ, ಮಂಜುಳಾ, ಸಿದ್ದಪ್ಪ ರಘುನಾಥ್, ಮಹದೇವ್, ರಾಘವೇಂದ್ರ, ಕರ್ನಾಟಕ ಕೊಳಗೇರಿ ಅಭಿವೃದ್ಧಿ ಮಂಡಳಿಯ ಕಾರ್ಯಪಾಲಕ ಅಭಿಯಂತರರಾದ ಜಿ.ಹರೀಶ್, ಸಹಾಯಕ ಕಾರ್ಯಪಾಲಕ ಅಭಿಯಂತರರು ಜಿ.ಎಸ್.ರಾಮಚಂದ್ರ, ಸಹಾಯಕ ಇಂಜಿನಿಯರ್‌ ಎಸ್.ಕಿರಣ್‌ ಇತರರು ಉಪಸ್ಥಿತರಿದ್ದರು.
About Author
