ಕೇಂದ್ರ ಗ್ರಾಮೀಣ ಅಭಿವೃದ್ಧಿ ಸಚಿವ ಗಿರಿರಾಜ್ ಸಿಂಗ್ ರನ್ನು ಭೇಟಿಯಾದ ಕುರುಬೂರು ಶಾಂತಕುಮಾರ್
1 min read
ಮೈಸೂರು,ಸೆ.25-ಕೇಂದ್ರ ಗ್ರಾಮೀಣ ಅಭಿವೃದ್ಧಿ ಸಚಿವ ಗಿರಿರಾಜ್ ಸಿಂಗ್ ಅವರನ್ನು ಭೇಟಿಯಾಗಿ ರಾಜ್ಯ ಕಬ್ಬು ಬೆಳೆಗಾರರ ಸಂಘದ ಅಧ್ಯಕ್ಷ ಕುರುಬೂರು ಶಾಂತಕುಮಾರ್ ಚರ್ಚೆ ನಡೆಸಿದರು.
ಸಿಎಫ್ ಟಿಆರ್ ಐ ನಲ್ಲಿ ರೈತಮಿತ್ರ ರೈತ ಉತ್ಪಾದಕರ ಕಂಪನಿ ಪ್ರಗತಿ ಕುರಿತು ನಡೆದ ಸಭೆಯಲ್ಲಿ ಕೇಂದ್ರ ಗ್ರಾಮೀಣಾಭಿವೃದ್ಧಿ ಸಚಿವ ಗಿರಿರಾಜ್ ಸಿಂಗ್ ಜೊತೆ ರೈತಮಿತ್ರ ಪಾರ್ಮರ್ಸ್ ಪ್ರೊಡ್ಯೂಸರ್ ಕಂಪನಿ ಅಧ್ಯಕ್ಷ ಕುರುಬೂರು ಶಾಂತಕುಮಾರ್ ಹಾಗೂ ಟಿ.ವಿ. ಗೋಪಿನಾಥ್ ಅವರು ಕಳೆದ ಐದು ವರ್ಷಗಳಲ್ಲಿ ರೈತರ ಕಂಪನಿ ಮಾಡಿರುವ ಸಾಧನೆಯ ಬಗ್ಗೆ ವಿವರಿಸಿದರು.
ಕೇಂದ್ರ ಆಹಾರ ಸಂಶೋಧನಾಲಯ ನೀಡಿರುವ ಚಿಯಾ ಬೆಳೆಯ ಬೆಳವಣಿಗೆ ಹೆಚ್ಚು ಜನಪ್ರಿಯವಾಗುತ್ತಿರುವ ಬಗ್ಗೆ ಮಾರುಕಟ್ಟೆ ಕಲ್ಪಿಸಲು ಹಾಗೂ ಇದರಿಂದ ಉಪ ಉತ್ಪನ್ನಗಳ ಸಂಶೋಧನೆ ಹಾಗೂ ಮಾರುಕಟ್ಟೆ ಬಗ್ಗೆ ಕ್ರಮಕೈಗೊಳ್ಳುವಂತೆ ಕೋರಲಾಯಿತು.
ಸಿಎಫ್ ಟಿಆರ್ ಐ ನಿರ್ದೇಶಕಿ ಶ್ರೀದೇವಿ ಅನ್ನಪೂರ್ಣ ಅವರ ಉಪಸ್ಥಿತಿಯಲ್ಲಿ ಸಚಿವರಿಗೆ ರೈತಮಿತ್ರ ರೈತರ ಕಂಪನಿ ತಯಾರಿಸಿರುವ ಚಿಯಾ ಎಣ್ಣೆ ,ಚಿಯಾ ಬೀಜದ ಆಕರ್ಷಣೀಯ ಪ್ಯಾಕೇಟ್ ನ್ನು ನೀಡಲಾಯಿತು.
ಮೈಸೂರು ಜಿಲ್ಲಾಧಿಕಾರಿ ಡಾ.ಬಗಾದಿ ಗೌತಮ್, ಜಿಲ್ಲಾ ಪಂಚಾಯಿತಿ ಕಾರ್ಯನಿರ್ವಾಹಕ ಅಧಿಕಾರಿ ಯೋಗೇಶ್, ನ್ಯೂಟ್ರಿ ಪ್ಲಾನೆಟ್ ಮುಖ್ಯಸ್ಥ ರಂಗನಾಥ್ ಮತ್ತಿತರರು ಸಭೆಯಲ್ಲಿದ್ದರು.
