ಶುರುವಾಯ್ತು ಬಿಗ್ ಬಾಸ್ ಸೀಸನ್ 9ಕ್ಕೆ ಸಿದ್ದತೆ!
1 min read
ಮತ್ತೇ ಶುರುವಾಯ್ತು ಬಿಗ್‌ಬಾಸ್. ಹೌದು, 9ನೇ ಆವೃತ್ತಿಯ ಬಿಗ್ ಬಾಸ್‌ಗೆ ಸಿದ್ದತೆ ಶುರುವಾಗಿದ್ದು ನಟ ಕಿಚ್ಚ ಸುದೀಪ್‌ರ ಪ್ರೋಮೋ ಶೂಟ್ ಕೂಡ ಈಗಾಗಲೇ ನಡೆಯುತ್ತಿದೆ. ಸದ್ಯ ಪ್ರೋಮೋ ಶೂಟ್ ಮುಗಿಸಿರೋ ಬಿಗ್ ಬಾಸ್ ಟೀಂ ಎಡಿಟಿಂಗ್‌ಗೆ ಸಿದ್ಧವಾಗಿದೆ.
ಈ ನಡುವೆ ಕಿಚ್ಚ ಸುದೀಪ್ ಕೂಡ ಪ್ರೋಮೋ ಶೂಟ್‌ನಲ್ಲಿ ಭಾಗಿಯಾಗಿದ್ದು ಈ ಬಾರಿ ಪ್ರೋಮೋ ಮತ್ತಷ್ಟು ಹೈಪ್ ಕ್ರಿಯೆಟ್ ಮಾಡಿದ್ದು, ದೊಡ್ಡನೆಗೆ ಯಾರೆಲ್ಲ ಹೋಗ್ತಾರೆಂಬ ಕುತೂಹಲ ಮೂಡಿಸಿದೆ. ಈ ನಡುವೆ ಪರಮೇಶ್ವರ ಗುಂಡಕಲ್ ಮಾಡಿರೋ ಪೋಸ್ಟ್ ಸಖತ್ ಕ್ರೇಜ್ ಹುಟ್ಟಿ ಹಾಕಿದ್ದು ಕಾಮೆಂಟ್‌ಗಳ ಸುರಿಮಳೆಯೇ ಬರುತ್ತಿದೆ.
ಪರಮೇಶ್ವರ್ ಗುಂಡಕಲ್- ಪೋಸ್ಟ್-
Under construction…
ಓಡುತ್ತಾ ಕಲ್ಪನೆ ಮಾಡುವುದರಲ್ಲಿ ಎಷ್ಟು ಸಂತೋಷವಿದೆಯೋ ಅದನ್ನು ಅಕ್ಷರಗಳಲ್ಲಿ ಹಿಡಿದು ಕಾಗದದ ಮೇಲೆ ಇಳಿಸುವ ಯಾತನೆಯಲ್ಲೂ ಅಷ್ಟೇ ಸಂತೋಷವಿದೆ. ಬರೆದಿದ್ದನ್ನು ಚಿತ್ರಗಳಲ್ಲಿ ಹಿಡಿಯುವ ಪ್ರಯತ್ನದಲ್ಲೂ ಅಷ್ಟೇ ಸಮಾಧಾನವಿದೆ. ನಾಳೆ ಮಾಡಬೇಕಾಗಿರುವ ಶೂಟಿಂಗ್ ಏನೋ ಒಂದು ಬಂದು ಕ್ಯಾನ್ಸಲ್ ಆಗಿಬಿಡಲಿ ಎಂದು ಹಿಂದಿನ ದಿನದ ಸಂಜೆ ಆಸೆ ಪಡುತ್ತಾ, ಕೊನೆಗೆ ಶೂಟಿಂಗ್ ಮಾಡಲೇಬೇಕಾದಾಗ ರಾತ್ರಿ ಇಡೀ ಕಣ್ಣು ಬಿಟ್ಟುಕೊಂಡೇ ಕನಸು ಕಾಣುತ್ತಾ ಬೆಳಿಗ್ಗೆ ಎಲ್ಲರಿಗಿಂತ ಮೊದಲು ಲೊಕೇಷನ್ ತಲುಪಿ, ಕಾರಣವಿಲ್ಲದೇ ರೇಗಿ, ಸ್ಪಷ್ಟತೆ ಇಲ್ಲದೇ ಕಂಗಾಲಾಗುವುದಕ್ಕಾಗಿಯೇ ಬದುಕಬಹುದೇನೋ ಅನಿಸುತ್ತದೆ.
ಮಕ್ಕಳನ್ನು ನೋಡಿದಾಗ ಆಯಿಯ ಮುಖದಲ್ಲಿ ಕಾಣಿಸುವ ನಗುವಿಗೆ ಮಾತ್ರ ಬಹುಶಃ ಈ ಯಾತನೆಗಿಂತ ಹೆಚ್ಚು ಸಂತೋಷ ಕೊಡುವ ಶಕ್ತಿ ಇರಬಹುದು.
About Author
