ನಾನಿ ನಟನೆಯ ‘ದಸರಾ’ ಸಿನಿಮಾದ ಫಸ್ಟ್ ಲುಕ್ ಹಾಗೂ ಗ್ಲಿಂಪ್ಸ್ ಔಟ್…
1 min read
ಖಡಕ್ ಲುಕ್ ನಲ್ಲಿ ಎಂಟ್ರಿ ಕೊಟ್ಟ ನ್ಯಾಚುರಲ್ ಸ್ಟಾರ್…
ತೆಲುಗು ಚಿತ್ರರಂಗದ ವರ್ಸಟೈಲ್ ಆಕ್ಟರ್…ನ್ಯಾಚುರಲ್ ಸ್ಟಾರ್ ನಾನಿ ನಟಿಸ್ತಿರುವ ಮೆಗಾ ಪ್ರಾಜೆಕ್ಟ್ ದಸರಾ ಸಿನಿಮಾದ ಫಸ್ಟ್ ಲುಕ್ ಹಾಗೂ ವಿಡಿಯೋ ಝಲಕ್ ವೊಂದು ಬಿಡುಗಡೆಯಾಗಿದೆ. ಸದಾ ವಿಭಿನ್ನ ಬಗೆಯ ಸಿನಿಮಾಗಳನ್ನು ಮಾಡುವ ನಾನಿ ಈ ಬಾರಿ ಫ್ರೆಶ್ ಕಥೆಯೊಂದಿಗೆ ಪ್ರೇಕ್ಷಕರ ಎದುರು ಬರಲಿದ್ದಾರೆ.
ಶ್ರೀಕಾಂತ್ ಒಡೆಲಾ ನಿರ್ದೇಶನದಲ್ಲಿ ಮೂಡಿ ಬರ್ತಿರುವ ದಸರಾ ಸಿನಿಮಾ ಮಾಸ್ ಅಂಡ್ ಆಕ್ಷನ್ ಎಂಟರ್ ಟೈನರ್ ಆಗಿದ್ದು, ತೆಲುಗು ಜೊತೆಗೆ ಕನ್ನಡ, ತಮಿಳು, ಹಿಂದಿ ಹಾಗೂ ಮಲಯಾಳಂ ಭಾಷೆಯಲ್ಲಿ ತಯಾರಾಗ್ತಿದೆ. ಒಂದೇ ಮಾತಿನಲ್ಲಿ ಹೇಳಬೇಕಂದ್ರೆ ದಸರಾ ಪ್ಯಾನ್ ಇಂಡಿಯಾ ಸಿನಿಮಾವಾಗಿದ್ದು, ನಾನಿ ಈ ಸಿನಿಮಾ ಮೂಲಕ ಪ್ಯಾನ್ ಇಂಡಿಯಾ ಸ್ಟಾರ್ ಆಗಿ ಹೊರಹೊಮ್ಮಲಿದ್ದಾರೆ.
ಶ್ರೀ ಲಕ್ಷ್ಮೀ ವೆಂಕಟೇಶ್ವರ ಬ್ಯಾನರ್ ನಡಿ ಸುಧಾಕರ್ ಚೆರುಕುರಿ ದಸರಾ ಸಿನಿಮಾವನ್ನು ಅದ್ಧೂರಿಯಾಗಿ ನಿರ್ಮಾಣ ಮಾಡುತ್ತಿದ್ದು, ರಾಷ್ಟ್ರ ಪ್ರಶಸ್ತಿ ವಿಜೇತೆ ಕೀರ್ತಿ ಸುರೇಶ್ ನಾಯಕಿಯಾಗಿ ನಟಿಸಲಿದ್ದಾರೆ.
ಖಡಕ್ ಲುಕ್ ನಲ್ಲಿ ನಾನಿ
ದಸರಾ ಸಿನಿಮಾದ ಫಸ್ಟ್ ಲುಕ್ ಹಾಗೂ ಗ್ಲಿಂಪ್ಸ್ ನಲ್ಲಿ ನಾನಿ ಖಡಕ್ ಲುಕ್ ನಲ್ಲಿ ಮಿಂಚಿದ್ದಾರೆ. ಲುಂಗಿ ತೊಟ್ಟು, ಕೈಯಲ್ಲಿ ಸಿಗರೇಟು ಹಿಡಿದು ಭಯಾನಕ ಲುಕ್ ನಲ್ಲಿ ಕಾಣಿಸಿಕೊಂಡಿದ್ದಾರೆ. ಗೋದಾವರಿ ಖನಿಯಲ್ಲಿರುವ ಸಿಂಗರೇಣಿ ಕಲ್ಲಿದ್ದಲು ಗಣಿಯಲ್ಲಿರುವ ಹಳ್ಳಿಯೊಂದರಲ್ಲಿ ನಡೆಯುವ ಪಕ್ಕಾ ಮಾಸ್ ಆಕ್ಷನ್ ಪ್ಯಾಕ್ಡ್ ಸಿನಿಮಾವಾಗಿರುವ ದಸರಾದಲ್ಲಿ ಸಮುದ್ರಕನಿ, ಸಾಯಿ ಕುಮಾರ್, ಜರೀನಾ ವಹಾಬ್ ಮುಂತಾದ ದೊಡ್ಡ ತಾರಾಬಳಗ ನಟಿಸಿದೆ.
ನಾರಾಯಣನ್ ಮ್ಯೂಸಿಕ್, ಸತ್ಯನ್ ಸೂರ್ಯನ್ ಕ್ಯಾಮೆರಾ ವರ್ಕ್, ನವೀನ್ ನೂಲಿ ಸಂಕಲನ, ಅವಿನಾಶ್ ಕೊಲ್ಲ ನಿರ್ಮಾಣ ವಿನ್ಯಾಸ ದಸರಾ ಸಿನಿಮಾಕ್ಕಿದ್ದು, ವಿಜಯ್ ಚಗಂಟಿ ಕಾರ್ಯಕಾರಿ ನಿರ್ಮಾಪಕ ಜವಾಬ್ದಾರಿ ಹೊತ್ತಿದ್ದಾರೆ.
ತಾರಾಗಣ: ನಾನಿ, ಕೀರ್ತಿ ಸುರೇಶ್, ಸಮುದ್ರಕನಿ, ಸಾಯಿ ಕುಮಾರ್, ಜರೀನಾ ವಹಾಬ್ ಮತ್ತು ಇತರರು.
ತಾಂತ್ರಿಕ ಸಿಬ್ಬಂದಿ:
ಶ್ರೀಕಾಂತ್ ಒಡೆಲಾ ನಿರ್ದೇಶಿಸಿದ್ದಾರೆ
ಸುಧಾಕರ್ ಚೆರುಕುರಿ ನಿರ್ಮಾಣ ಮಾಡಿದ್ದಾರೆ
ನಿರ್ಮಾಣ ಬ್ಯಾನರ್: ಶ್ರೀ ಲಕ್ಷ್ಮೀ ವೆಂಕಟೇಶ್ವರ ಸಿನಿಮಾಸ್
ಛಾಯಾಗ್ರಹಣ ನಿರ್ದೇಶಕ: ಸತ್ಯನ್ ಸೂರ್ಯನ್ ISC
ಸಂಗೀತ: ಸಂತೋಷ್ ನಾರಾಯಣನ್
ಸಂಪಾದಕ: ನವೀನ್ ನೂಲಿ
ಪ್ರೊಡಕ್ಷನ್ ಡಿಸೈನರ್: ಅವಿನಾಶ್ ಕೊಲ್ಲಾ
ಕಾರ್ಯಕಾರಿ ನಿರ್ಮಾಪಕ: ವಿಜಯ್ ಚಗಂಟಿ
ಪತ್ರಿಕಾ ಸಂಕರ್ಪ ಅಧಿಕಾರಿ: ಹರೀಶ್ ಅರಸು
About Author
