ಮತ್ತೆ ತಾರಕಕ್ಕೇರಿದ ಜಿಟಿಡಿ, ಮಂಜೇಗೌಡರ ನಡುವಿನ ಜಟಾಪಟಿ
1 min read
ಮೈಸೂರು,ಫೆ.2-ಚಾಮುಂಡೇಶ್ವರಿ ವಿಧಾನಸಭಾ ಕ್ಷೇತ್ರದ ಶಾಸಕ ಜಿ.ಟಿ.ದೇವೇಗೌಡ ಹಾಗೂ ಎಂಎಲ್ ಸಿ ಮಂಜೇಗೌಡರ ನಡುವಿನ ಜಟಾಪಟಿ ಮತ್ತೆ ತಾರಕಕ್ಕೇರಿದೆ.
ನಗರದಲ್ಲಿಂದು ಸುದ್ದಿಗಾರರೊಂದಿಗೆ ಮಾತನಾಡಿದ ಜಿ.ಟಿ.ದೇವೇಗೌಡ ಅವರು, ಹರೀಶ್ ಗೌಡ ಬೇಲ್ ಮೇಲೆ ಇದ್ದಾರೆಯೇ? ಕೋರ್ಟ್ ಬೇಲ್ ಮೇಲೆ ಇರುವವರು ಯಾರು? ಎಂದು ಪ್ರಶ್ನಿಸಿದ್ದಾರೆ.
ನನ್ನ ಮೇಲೆ ಎಷ್ಟೇ ಮಾತ್ನಾಡಲಿ ನಾನು ತಲೆ ಕೆಡಿಸಿಕೊಳ್ಳುವುದಿಲ್ಲ. ಕೋಪನೂ ಮಾಡಿಕೊಳ್ಳುವುದಿಲ್ಲ. ಹರೀಶ್ ಗೌಡ ಮೇಲೆ ಈ ರೀತಿ ಹೇಳಿಕೆ ನೀಡಿದರೆ ಜನರಿಗೆ ಯಾವು ರೀತಿಯ ಸಂದೇಶ ಹೋಗಬಹುದು. ಹರೀಶ್ ಗೌಡ ಮೇಲೆ ಯಾವ ಕೇಸ್ ಇದೆ. ಯಾವ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಯಾವ ಕೋರ್ಟ್ ನಲ್ಲಿ ಬೇಲ್ ಪಡೆದುಕೊಂಡಿದ್ದಾರೆ ನನಗಂತು ಗೊತ್ತಿಲ್ಲ. ಇದಕ್ಕೆಲ್ಲ ನಾನು ಉತ್ತರ ಕೊಡುವ ಅಗತ್ಯ ಇಲ್ಲ. ನಮ್ಮ ಕುಟುಂಬದ ಬಗ್ಗೆ ನೂರು ಸಾರಿ ತಮಟೆ ಬಡಿದುಕೊಂಡು ಸಾರಿದರೂ ಜನರು ನಂಬುವುದಿಲ್ಲ ಎಂದು ಮಂಜೇಗೌಡರ ವಿರುದ್ಧ ಕಿಡಿಕಾರಿದ್ದಾರೆ.
ನಾನು ೫೦ ವರ್ಷಕ್ಕೂ ಹೆಚ್ಚು ಸಹಕಾರ ಕ್ಷೇತ್ರದಲ್ಲಿ ಗುರುತಿಸಿಕೊಂಡು ಬಂದಿದ್ದಿನಿ. ನಾನು ಈ ರೀತಿ ಹಗುರವಾಗಿ ಮಾತ್ನಾಡಲು ಹಾಗಲ್ಲ. ಜನರಿಗೆ ಗೊತ್ತಿದೆ ಯಾರು ಬೇಲ್ ಮೇಲೆ ಆಚೆ ಇದ್ದಾರೆ ಅಂತ ಎಂದು ತಿರುಗೇಟು ನೀಡಿದ್ದಾರೆ.
